‘Ke qenë bashkëpunëtor i Sigurimit’, Klevis Balliu përplaset me Frrok Çupin

Shefi i Organizimit në Partinë Demokratike, Klevis Balliu ka debatuar në studion e Euronews Albania me analistin, Frrok Çupi në lidhje me situatën aktuale brenda kësaj force politike.

Balliu u shpreh se kryedemokrati Sali Berisha ka votën brenda në parti, teksa i tha publikisht Çupit se ka qenë bashkëpunëtor i Sigurimit.

“Ju keni alergji nga vota. Sali Berisha ka votën, e duan qytetarët shqiptarë, është vërtetuar që e duan. Ti ke qenë bashkëpunëtor i Sigurimit, ta vërtetoi edhe gjyqi. Ti e di shumë mirë këtë gjë. Bashkëpunëtor gjithë ditën. Do më hedhësh edhe mua në gjyq siç hodhe Ylli Rakipin?”, theksoi Balliu.

Çupi e mohoi diçka të tillë.

“Atë ditë kur Saliu tëdalë rrugës duke foluar me gishta, a do jesh sërish në studio? Çfarë jam unë? Thuaje edhe një herë. A do ta thuash edhe një herë?”, u përgjigj Çupi.

Partia Demokratike do të shkojë e përçarë në zgjedhjet e ardhshme vendore që do të zhvillohen më 14 maj të vitit të ardhshëm.

Edhe pse prej disa kohësh filluan bisedimet mes dy palëve për të dalë me kandidat të përbashkët, negociatat dështuan.

Përmes një njoftimi, Grupi Parlamentar i Partisë Demokratike ka deklaruar se pala tjetër ka vendosur si kusht gjatë bisedimeve, që të njihet “Statuti i 11 Dhjetorit”, çka sipas tyre, ka minuar bisedimet për të gjetur zgjidhje për zgjedhjet.

LEXONI GJITHASHTU

• Frrok Çupi sulmon Berishën: Djall, edhe familjen tënde e bëre më kriminalen në vend
• ‘PD futet në zgjedhje nga PL”, Frrok Çupi: PD-në e Berishës nuk e njeh askush
• ‘Do e shihni ditët e ardhshme’, Berisha: Kush prek logon e PD, i ka bërë keq hesapet