Këlliçi: Nëse zgjidhem kryebashkiak, do dërgoj Veliajn në SPAK për inceneratorin

Deputeti i Partisë Demokratike, Belind Këlliçi deklaroi se nëse zgjidhet kryebashkiak i Tiranës, do dërgojë në SPAK dosjen për inceneratorin në kryeqytet, që sipas tij është aferë korruptive dhe ka përgjegjës Erion Veliajn.

Në një intervistë për Euronews Albania, Këlliçi nënvizoi se do të bëjë transparencë dhe shtoi se do të kërkojë rihapjen e çështjes së Ardit Gjoklajt.

“Personi që kontrollon mediat dhe bën shantazh është Erion Veliaj dhe këto i bën për llogari të të gjitha firmave të paligjshme që janë hedhur. Ajo çfarë unë ofroj, është transprarencë për të gjithë opinionin publik, për të kuptuar çfarë ka ndodhur dhe për të bërë shembull e për të dërguar zyrtarë të lartë para drejtësisë, për firmat e paligjshme që kanë vendosur. Premtoj transparencë në rastin e inceneratorit të Tiranës, sepse dokumentet janë të bllokuara dhe nuk bëhen publike.

Premtoj që këtë shkresë do e dërgoj si kryetar i Bashkisë Tiranë, personalisht në SPAK, meqë nuk e merr dot në pyetje Erion Veliajn. Do ta çoj unë personalisht me gjithë dosjen e inceneratorit të Tiranës. Premtoj që do kërkoj rihapjen e çështjes së Ardit Gjoklajt”, theksoi ai.

LEXONI GJITHASHTU

• A është i preferuari i Berishës në primaret për Tiranën? Flet Belind Këlliçi
• Belind Këlliçi për primaret në PD: Pse kam ofertë më të mirë se Gerti Bogdani
• Zgjedhjet lokale, emrat e kandidatëve të mundshëm për primaret e PD-së