Kryeministri i qeverisë teknike në Maqedoninë e Veriut, Oliver Spasovski ka theksuar se në asnjë mënyrë nuk duhet të vihet në pikëpyetje siguria e gazetarëve, teksa ka dënuar çfarëdo dhune dhe sulmi ndaj punonjësve të mediave.
- Advertisement -
Këto deklarata Spasovski i bëri pas sulmeve verbale dhe kërcënimeve në mediat on-line që u janë bërë tre gazetarëve.
Ai garantoi qytetarët e Maqedonisë së Veriut se do të punojë për të garantuar krijimin e hapësirës mediatike për formimin e paanshëm.
“Qëllimi i kësaj qeverie është krijimi i hapësirës mediatike për informim të paanshëm dhe objektiv të qytetarëve sepse vetëm përmes qytetarëve të informuar në mënyrë objektive, mund të ndërmerren veprimet e duhura për të ardhmen e vendit”, deklaroi z.Spasovski.
