Kërcënimi i Metës me dorëheqje, Bushati: Mobilizim për të mos lejuar Ramën të vjedhë zgjedhjet

Analistët Andi Bushati dhe Baton Haxhiu kanë komentuar deklaratën e bërë nga Presidenti, Ilir Meta, i cili paralajmëroi se do të japë dorëheqjen nëse Partia Socialiste fiton 71 mandate me zgjedhje të lira dhe të ndershme.

Për Andi Bushati deklarata lexohet në dy pikëpamje; nga një anë paralajmërohet vjedhja e zgjedhjeve dhe nga ana tjetër nuk e sheh si deklaratë normale nga Presidenti.

“Po ta shihje të gjithë intervistën është një shqetësim mobilizimi për të mos lënë Edi Ramën dhe bandat e tij të mos vjedhin zgjedhjet ashtu siç i kanë projektuar. Po ta marrin literalisht më duket si deklaratë normale por unë nuk e shoh si politikan normal Metën”, deklaroi z. Bushati.

Kurse Baton Haxhiu e konsideroi deklaratën e Presidentit si qëndrim të njëanshëm duke e akuzuar se ka qenë në një llogore me opozitën.

“Meta me këtë deklaratë po kërcënon veten dhe me këtë deklaratë paragjykon prekjen e votës. Duhet të japë dorëheqjen dhe nuk ka pse pret 25 prillin”, u shpreh z. Haxhiu.