Kërkesa e SPAK/ Deputeti i PD: Me Berishën në “arrest shtëpie” goditet opozita

Deputeti i Partisë Demokratike, Luan Baçi, është shprehur se me ish-kryeministrin Sali Berisha në “arrest shtëpie” goditet opozita.

Komentet Baçi i bëri në “Euronews Albania”, ku tha se edhe kërkesa e parë e SPAK duhet të kalonte përmes Parlamentit, pasi sipas tij, u shkel Kushtetuta.

Ai shtoi se këto veprime të SPAK janë sulme ndaj opozitës, e cila është e cënuar.

“Nëse kërkesa e parë e SPAK do të kalonte përmes Parlamentit, ishim plotësisht dakord. Pse nuk pranoni që është shkelur Kushtetuta. Nuk kam thënë unë me Berishën në shtëpi nuk ka opozitë.

Thashë cënohet opozita, por jo nuk ka opozitë. Do u kthehet në boomerang, me Berishën në shtëpi do të jetë më e fortë opozita. Çdo lloj vendimi që merr SPAK goditet opozita, se sulm ndaj opozitës është”, tha Baçi.

LEXONI GJITHASHTU:

• “Dënimi i Berishës e shpëton opozitën”, Mërtiri: Goditja më e mirë kundër Ramës
• Këshilli i Mandateve voton me 6 vota pro heqjes së imunitetit të Berishës