Kërkesa e SPAK për Berishën, Beçi: Kriteret për masën e sigurisë ‘arrest shtëpie’

Ish-prokurori Eugen Beçi foli në lidhje me kërkesën e SPAK drejtuar Kuvendit për heqjen e imunitetit.

Në një intervistë për Euronews Albania, ai theksoi se Gjykata duhet të kishte bërë një kërkesë të tillë që tek masa e parë ndaj Berishës.

“Parlamenti është ai që duhet të vendos në rast se do i hyjë interpretimit logjik dhe Kushtetues. Prokuroria dhe Gjykata u fut kot në një fortunë të këtij lloj, sepse mund të kish kërkuar autorizimin që në fillim, pra që tek masa e parë. Këta deputetë që do të shqyrtojnë një autorizim të tillë nga Prokuroria e Posaçme duhet të mendojnë dhe për veten e tyre.

Ai foli në lidhje dhe me kriteret për masën e sigurisë “Arrest në shtëpi”, duke shtuar se një masë e tillë, mund  zbatohet vetëm në banesën ku jeton personi.

“Arresti i shtëpisë hyn në kategorinë e masave të sigurimit që është barabartë me arrestin në burg. Përsa i përket kushteve dhe veçorive që duhet të ketë arresti në shtëpi ato vendosen rast pas rasti nga një Gjykatë e cila vlerëson veprën penale dhe rrezikshmërinë e personit.

Zakonisht përcaktimet e kodit të procedurës penale kur caktohet masa e sigurimit nga një Gjykatë për një shtetas, janë të të tilla që shtetasi ftohet të deklarojë adresën e tij të banimit. Adresa e tij e banimit, në rast se duhet të provohet me një çertefikatë pronësie. Duhet të jetë patjetër të jetë banesë”-tha ai.

LEXONI GJITHASHTU: 

• Miliardere dhe 25 vjet më e re, Tom Cruise në një lidhje dashurie me rusen
• Ish-prefekti i Kukësit Granit Gjana merret në pyetje nga SPAK