Kërkoi lirinë në këmbim të garancisë pasurore, merret vendimi për Beqjan

Gjykata e Posaçme kundër Krimit të Organizuar dhe Korrupsionit ka lënë në fuqi masat e sigurimit për Ilir Beqajn dhe 6 të dyshuarit e tjerë për dosjen SASPAK.

Bëhet me dije se ndryshim mase u caktua nga GJKKO vetëm për Marinela Jazoin, e cila ishte e proceduar në gjendje të lirë, por që ndaj saj u caktua masa e sigurisë “Detyrim paraqitje”.

Gjatë seancës së shkuar të hënën, Beqja kërkoi masën e sigurimi “Arrest në shtëpi” ose garanci pasurore 5 milionë lëkë të reja.

Mbrojta e ish-ministrit pretendoi, se nuk ka shkaqe të ligjshmë për të caktuar masën e sigurimit “Arrest në burg”. Ata pretenduan se Beqaj nuk ka arsye të largohet jashtë vendit apo të prish provat. Kërkesat e ish-ministrit të Shëndetësisë nuk u pranuan në gjykatë.

Akuza, për të cilën Beqaj është vënë në pranga nuk lidhet me detyrën e tij si ministër shëndetësie në vitet 2013-2017, por me postin që mbajti si drejtuesi i Agjencisë shtetërore SASCAP, e krijuar  për të menaxhuar ndihmat e donatorëve të huaj, që nga viti 2021.

Masa e sigurisë është marrë me kërkesë të SPAK edhe për fshehje të pasurisë dhe pronësisë në një restorant emrin GZONA në kalanë e Tiranës

Në vitet 2022-2023, prokurorët kanë zbuluar një skemë korruptive me të paktën 8 aktivitete e konferenca, ku fituesit apo organizatorët paracaktoheshin.

Në një rast shërbimi për një konferencë, prokuroruar me vlerë 125 mijë euro rezultoi se nga kompania fituese ishte ofruar vetëm darka në vlerën 4 milionë lekë. Kjo darkë ishte ofruar në restorantin që drejtohej në hije nga ish ministri.

LEXONI GJITHASHTU:

• Pamje nga aksioni i SPAK në shtëpinë e Ilir Beqajt, agjentët i vendosën shiritat
• Dosja ‘Beqaj’| GJKKO zbut masën e sigurisë për biznesmenin Gazmend Haxhia
• Si mashtroi Ilir Beqaj? Myrta: Ja çfarë iu gjet në telefonat e sekuestruar