Këshilli i Mandateve për imunitetin e Berishës/ Alibeaj: Të pranohet kërkesa e SPAK

Enkelejd Alibej tha në mbledhjen e Këshillit të Mandateve se duhet hequr imuniteti për këdo, duke bërë kështu që para ligjit të jenë të gjithë të barabartë.

Ai si përfaqësues i Partisë Demokratike në Këshillin e Mandateve të Rregulloreve të Kuvendit të Republikës së Shqipërisë ka propozuar që të pranohet kërkesa e SPAK-ut për bërjen të mundur të masave të sigurisë arrest me burg, ose arrest me shtëpi për deputetin Sali Berisha.

Alibeaj tha se heqja e imunitetit për deputetët ka qenë një propozim i vazhdueshëm i Partisë Demokratike, që ishte refuzuar nga vazhdimisht nga mazhoranca, por siç u shpreh ai “mesa duket tashmë erdhi koha për të siguruar këtë barazi para ligjit”.

“Shqiptarët duan një politikë që të mos jetë jo e baravbartë para ligjit me ta. Ajo që duhet të vendosim sot ne kolegë të mazhorancës është pikërisht kjo ta sigurojmë si një shërbim ndaj shqiptarëve sot dhe në të ardhmen; zero imunitet për askënd, hapje dhe mbështetje totale për SPAK-un, krijimi madje edhe i kushteve të presionit pozitiv që të mos lejohet asnjëlloj tisi të hollë perceptimi që po krijohen dopjo standarde që disa po trajtohen si të nënës e disa si të njerkës.

Duke bërë këtë akt sot, krijojmë një presion pozitiv ndaj SPAK-ut dhe ndaj Gjykatës që po për çdo rast tjetër për pushtetarë të rëndësishëm që sot janë në detyrë të kenë të njëjtin trajtim. Pa e zgjatur më tepër, qëndrimi i imi personal si përfaqësues i Partisë Demokratike në Këshillin e Mandateve të Rregulloreve të Kuvendit të Republikës së Shqipërisë, për kërkesën e paraqitur nga SPAK për dhënien e autorizimit i rekomandoj seancës plenare ta pranojë si kërkesë dhe të lëshojë autorizimin.

LEXONI GJITHASHTU:

• Kërkesa e SPAK për arrest në burg apo arrest shtëpie për Berishën? Përgjigjet Kraja
• Kërkesa e SPAK për Berishën, Beçi: Kriteret për masën e sigurisë ‘arrest shtëpie’