Kim mbyll vizitën në Rusi, kthehet në shtëpi pas diskutimeve për armët

Mediat ruse njoftojnë se udhëheqësi i Koresë së Veriut, Kim Jong Un është duke u kthyer në shtëpi pasi përfundoi vizitën në Lindjen e Largët të Rusisë.

Që kur hyri në Rusi me trenin e tij të blinduar të martën e kaluar, Kim u takua me Presidentin Vladimir Putin dhe vizitoi vendet kryesore ushtarake dhe teknologjike, duke shkaktuar shqetësime të jashtme për një aleancë armësh midis dy kombeve të izoluara.

Media shtetërore e Koresë së Veriut nënvizoi fokusin që mbizotëroi gjatë udhëtimit të Kim, duke theksuar diskutimet e tij me ministrin rus të Mbrojtjes, Sergei Shoigu për të zgjeruar “koordinimin strategjik dhe taktik” midis ushtrive të vendeve të tyre, ndërsa shqetësimet perëndimore rriten për një aleancë armësh që mund të arrihet mes Moskës dhe Penianit.

Bashkimi Europian dhe NATO kanë paralajmëruar Korenë e Veriut për pasoja të mëdha nëse vendos të furnizojë Rusinë me armë në luftën që po zhvillon ndaj Ukrainës.

LEXONI GJITHASHTU:

• “Bashkë kundër imperializmit”, Putin pret Kim Jong Un: Marrëdhëniet në nivel tjetër
• Koreja e Veriut armë Rusisë, Kim Jong un do takojë Putin