Kisha Orthodhokse Autoqefale e Shqipërisë ka reaguar lidhur me rezultatin e Censit të popullsisë dhe banesave të vitit 2023.
Përmes një postimi, Kisha Orthodhokse thotë se rezultati i Censit 2023, në lidhje me përqindjen e numrit të të krishterëve orthodhoksë, nuk pasqyron në të vërtetë realitetin.
Sipas tyre, regjistruesit, në shumë raste, nuk i pyesnin të intervistuarit për përkatësinë fetare.
Ata thonë gjithashtu se sipas regjistrave tanë të pagëzimeve tregohet qartë se numri i të krishterëve orthodhoksë është shumë herë më i madh nga sa rezulton në Cens.
Po ashtu ata bëjnë me dije se sipas statistikës së vitit 1927 rezulton se myslimanët sunitë dhe bektashinj përbënin 67.5%, orthodhoksët 22.3% dhe katolikët 10%.
Deklarata e Kishës Orthodhokse Autoqefale të Shqipërisë:
DEKLARATË – Në lidhje me rezultatin e Censit 2023
Rezultati i Censit 2023, në lidhje me përqindjen e numrit të të krishterëve orthodhoksë, nuk pasqyron në të vërtetë realitetin. Kjo ka ndodhur për disa arsye, ndër të cilat do të përmendim disa:
Regjistruesit, në shumë raste, nuk i pyesnin të intervistuarit për përkatësinë fetare.
Kemi evidencë të dokumentuar se një numër i madh besimtarësh nuk u intervistuan, sepse nuk u vizituan nga asnjë regjistrues.
Sipas regjistrave tanë të pagëzimeve tregohet qartë se numri i të krishterëve orthodhoksë është shumë herë më i madh nga sa rezulton në Cens.
Sipas statistikës së vitit 1927 kemi këto të dhëna: myslimanët sunitë dhe bektashinj përbënin 67.5%; orthodhoksët 22.3% dhe katolikët 10%.
Ndonëse pyetja për besimin fetar ishte fakultative, numri i madh i besimtarëve të pacilësuar prej 332 155, të ateistëve 85 311, të atyre që preferuan të mos i përgjigjen 244 331 dhe të atyre që nuk ishin të disponueshëm 134 451 – në total 796 248 – afërsisht 1/3 e popullsisë, dëshmon për pasaktësinë e këtij Censi.
Zyra e Shtypit e Kryepiskopatës
LEXONI GJITHASHTU:
- Martesa e 2 grave, Kisha Orthodhokse: E panatyrshmja s’mund të bëhet e natyrshme
- Martesa e dy grave, Inida Gjata-Dom Mark Pashkës: Kanë të drejtën e dashurisë
