“Kjo PD e çliruar nga mëkatet”, Alibeaj hap fushatën: Kërcënim për kastën e vjetër

Partia Demokratike ka hapur zyrtarisht të martën fushatën për zgjedhjet vendore të 14 majit.

Në fjalën e tij, kryetari i komanduar i PD, Enkelejd Alibeaj sulmoi ata që i quajti kasta e vjetër politike, Rama, Meta, Berisha që sipas tij s’e kanë ndalur agresion ndaj PD.

“Sot kjo parti është nën agresion, PS me në krye një kryeministër mafioz bashkë me ish-kryetarin tonë të shpallur non grata nga aleati ynë më i madh, është një minues i demokracisë dhe inkurajues i korrupsionit, i janë futur një sulmi që nuk po njeh të ndalur. PD është nën agresion ligjor e madje fizik, sepse kjo parti është ndryshe nga ata, e kam fjalën për kastën e vjetër që të ekzistojë një forcë politike me integritet që ka në themel lirinë e çdo individi. Dinozaurët e politikë së vjetër s’e pranojnë dot që një forcë politike të jetë jashtë pushtetit të tyre. Ata e dinë shumë mirë se një parti si PD e çliruar nga mëkatet dhe çdo dilemë me vendosmëri është kërcënim për pushtetin e tyre. Janë të tre bashkë, dhe s’ka asnjë dyshin për këtë, politikën e kanë zaptuar bashkë; si ka mundësi që nuk denoncojnë asnjë oligark të lidhur me qeverinë”, tha Alibeaj.

LEXONI GJITHASHTU:

• PD hap zyrtarisht fushatën, prezantohet Roland Bejko në Tiranë
• Ilir Meta mbërrin në selinë e PD-së, takim me Berishën