“Vis Martinajn e çova në Vorë”- gazetarja zbulon dëshminë e Jeton Lamit

Gazetarja Klodiana Lala tha në një intervistë për Euronews Albania se Jeton Lami, ish-efektivi i policisë, personi i fundit që ka parë të shumëkërkuarin Ervis Martinaj, ka mohuar të ketë lidhje miqësore me të.

Lala u shpreh se Prokuroria e Kurbinit ka përfunduar hetimet për Jeton Lamit, i cili për 6 muaj ka refuzuar të japë deklarime, ndërsa në fund të hetimit ndaj tij ka sqaruar disa momente lidhur me Martinajn.

Sipas gazetares, Lami ka deklaruar se e njihte prej 10 vjetësh në distancë Ervis Martinajn, po nuk kishte miqësi të ngushtë me të.

“Jeton Lami ka deklaruar se është takuar rastësisht me Martinajn në një ambient në Zogun e Zi ku ky i fundit i ka kërkuar ta shoqëronte në Durrës, në ambientet e një hoteli luksoz ku është filmuar nën shoqërinë e një vajze, dhe të nesërmen e ka marrë prej andej dhe e ka çuar në  Vorë ku më pas është zhdukur pa asnjë gjurmë. Lami ka sqaruar pozicionin e tij. Ndryshe nga sa mendohej se do të hidhet dritë mbi fatin e Martinat, Lami nuk ka pranuar ta ketë shoqëruar kundrejt pagesës”, tha Lala.

LEXONI GJITHASHTU:

• SPAK sekuestron 34 pasuri të Ervis Martinajt
• Arrestohet “koka” i klanit Duka, kundërshtari i Ervis Martinaj