Anita Jella është prokurorja më e re e SPAK. Emërimi i saj u bë gjatë mbledhjes së kësaj të mërkure të KLP, me 8 vota pro, duke marrë miratimin e të gjithë anëtarëve të pranishëm në mbledhje.
Jella u emërua si prokurore e strukurës së posaçme kundër krimit të organizuar dhe korrupsionit me një mandat 9-vjeçar, pa të drejtë riemërimi.
Vendimi i KLP erdhi pas verifikimit që ka bërë SPAK, i cili raportin e ka dorëzuar në Këshillin e Lartë të prokurorisë.
“Jella i plotëson kushtet për të ushtruar detyrën në SPAK”, thueht në raport.
Ajo ka kaluar me sukses kontrollin për pasurinë dhe verifikimit të pastërtisë së figurës.
Anita Jella s’ka pengesë ligjore për t’u ngritur në detyrë.
Kujtojmë se KLP emëroi gjithashtu prokurorin Bledar Maksuti, si prokuror të strukurës së posaçme kundër krimit të organizuar dhe korrupsionit me një mandat 9-vjeçar, pa të drejtë riemërimi.
Gjithashtu në mbledhjen e KLP u pezullua nga detyre drejtuesi i Prokurorisë së Vlorës, Aurel Zarka, i cili u arrestua pas operacionit të SPAK.
LEXONI GJITHASHTU:
- Arrestohet drejtuesi i Prokurorisë së Vlorës, Aurel Zarka
- U zgjodh nga KLP si prokuror i SPAK, nuk emërohet në detyrë Ndini Tavani
