U zgjodh nga KLP si prokuror i SPAK, nuk emërohet në detyrë Ndini Tavani

Ndini Tavani, ëdhe pse u përzogj nga Këshilli i Lartë i prokurorisë si Prokuror i Prokurorisë së Posaçme, nuk ka mundur të marrrë dot detyrën.

Shkak është bërë komisioni i SPAK i cili nuk e ka “certifikuar”

Në vend të tij KLP ka futur në listë, prokurorin Bledar Maksuti i renditur pas Ndini Tavanit kur u hap gara për 3 vendet vakante.

Në mbledhjen që pritet të mbajë ditën e nesërme, pritet që KLP të emërojë në SPAK prokuroren Anita Jella.

Ndërkoqë që pritet të pezullohet nga detyra drejtuesi i prokurorisë së Vlorës Aurel Zarka, i arrestuar mëngjesin e së hënës nga SPAK.

Rendi i ditës për seancën e KLP ditën e mërkurë:

1. Diskutimi / miratimi i projektaktit “Për emërimin në detyrë si prokuror në Prokurorinë e Posaçme Kundër Korrupsionit dhe Krimit të Organizuar të zonjës Anita Jella”;
2. Diskutimi / miratimi i projektaktit “Për moscaktimin në detyrë si prokuror në Prokurorinë e Posaçme Kundër Korrupsionit dhe Krimit të Organizuar të zotit Ndini Tavani”;
3. Diskutimi / miratimi i projektaktit “Për emërimin në detyrë si prokuror në Prokurorinë e Posaçme Kundër Korrupsionit dhe Krimit të Organizuar të zotit Bledar Maksuti”;
4. Diskutimi / miratimi i projektaktit “Për pezullimin nga detyra të prokurorit Aurel Zarka”.

LEXONI GJITHASHTU:

• Arrestohet drejtuesi i Prokurorisë së Vlorës, Aurel Zarka
• Goditja e grupit kriminal, SPAK: Merrnin 45 mijë $ për të çuar 1 emigrant në SHBA