KLP jep masë displinore ndaj prokurorit në Shkodër, zbardhet motivi

Këshilli i Lartë i Prokurorisë ka pranuar pjesërisht kërkesën e Inspektorit të Lartë të Drejtësisë për procedim disiplinor për prokurorin Agron Bushati.

Kjo pasi ai ka zvarritur në mënyrë të pajustifikuar nxjerrjen e urdhrit të ekzekutimit për vendim penal të formës së prerë.

Inspektori i Lartë i Drejtësisë ka kryer hetimet, pasi një ankues i është drejtuar ILD-së me ankesë ndaj magjistratit Bushati.

Ky i fundit sipas KLP thuhet se ka zvarritur për një periudhë prej 3 vitesh e 9 muajsh  nxjerrjen e urdhrit të ekzekutimit të vendimit penal për ankuesin.

Nga hetimi u konkludua, se mosveprimet e magjistratit, përbëjnë shkelje disiplinore, të cilat cënojnë figurën e magjistratit dhe besimin e publikut tek drejtësia.

Inspektori  Lartë i Drejtësisë i propozoi Këshillit të Lartë të Prokurorisë, që prokurorit Agron Bushati, t’i caktohet masa disiplinore “Ulja përkohshme e pagës deri në 40% për një periudhë deri në 1 vit.

Këshilli i Lartë i Prokurorisë pranoi pjesërisht kërkesën, duke caktuar si masë disiplinore ndaj prokurorit atë të “vërejtjes publike”.

LEXONI GJITHASHTU:

• Pas refuzimeve masive, KLP i vetmi institucion që i bashkohet Komisionit “Xhafaj”
• Me 8 vota pro, KLP emëron në SPAK prokurorin Bledar Maksuti