“Komando të stërvitur dhe lidhje kriminale”, gazetari flet për atentatorët e Rinasit

I ftuar në emisionin “Now me Erla Mëhillin”, gazetari Romir Saraçi deklaroi se atentatorët nuk janë thjesht vrasës, por nga mënyra se si veprojnë duket se janë komando ose të trajnuar në mënyrë të avancuar.

Ai shtoi se edhe në rast se nuk janë komando, atëherë janë të stërvitur për këtë lloj aktiviteti dhe mund të kenë pasur shërbim më parë në strukturat shtetërore, si ushtarakë ose policë.

“Nga lëvizjet që bëjnë, duket se janë komando ose të stërvitur në mënyrë të avancuar. Nëse nuk janë komando, atëherë janë të trajnuar për këtë lloj aktiviteti dhe mund të kenë shërbyer më parë në strukturat shtetërore si ushtarakë ose policë, dhe tani marrin përfitime nga organizata kriminale për punën që bëjnë”, tha Saraçi.

Ai theksoi se kjo situatë krijon një klimë shqetësuese anarkie ndërsa u shpreh se elementët kriminalë kanë mbështetur politikanët gjatë fushatave elektorale, dhe tani sipas tij marrin ‘reston’ nga politika.

LEXONI GJITHASHTU:

• Foto ekskluzive/ Plumbat goditën edhe makinën e një të riu që priste nënën në Rinas
• Gazetari: Lëvizjet e njërit prej atentatorëve tregojnë eksperiencë disa­vjeçare