Komisioni i Rithemelimit mblidhet në selinë e PD

Komisioni i Rithemelimit është mbledhur mesditën e sotme në selinë blu për të zhvilluar mbledhjen e radhës. I pranishëm në këtë mbledhje është edhe ish-kryeministri Sali Berisha.

Gazetari i “Euronews Albania”, Ardit Hoxha raporon se gjatë kësaj mbledhjeje, është diskutuar për riorganizimin e partisë në nivel qendror, por dhe në të gjitha degët.

Anëtarët e Komisionit të Rithemelimit dhe deputetët që mbështesin Berishën, kanë diskutuar për organizmin e partisë.

Burimet bëjnë me dije se mund të ketë mbledhje të Grupit Parlamentar këtë javë. Ish-kryeministri Sali Berisha pritet të ketë një deklaratë për mediat pas mbledhjes.

Kjo mbledhje, vjen pas zbardhjes së vendimit të Gjykatës së Tiranës që e cilësoi të ligjshëm Kuvendin e 11 Dhjetorit, të thirrur nga Berisha.

Ndërkohë, dje ambasadorja amerikane Yuri Kim zhvilloi një takim me Enkelejd Alibeajn, teksa e quajti atë si kryetarin e komanduar të Partisë Demokratike.

Kjo solli edhe reagimin e Komisionit të Rithemelimit, duke thënë se diplomatja po ndërhyn në çështjet e brendshme të një partie politike.

LEXONI GJITHASHTU:

• Berisha e di se Rama do të përdorë votën për Presidentin, thotë avokati
• Negociatat për Presidentin me ‘PD-në zyrtare’, thotë deputetja socialiste