“Transformimi i Kujdesit ndaj Kancerit” është vënë në foksus të konferencës së organizuar nga Europa Donna Albania, e cila ka mbledhur në një tryezë të rrumbullakët në Tiranë ekspertët më të mirë vendas dhe të huaj.
Ky është i pari event Ndërkombëtare mbi Investimet & Bashkëpunimin Rajonal i cili ka për qëllim “Avancimin e Kujdesit ndaj Kancerit dhe Sigurimin e Investimeve Thelbësore”. Përfaqësues qeveritarë, profesionistë të kujdesit shëndetësor, grupe advokuese të pacientëve dhe organizata ndërkombëtare u bënë bashkë për të nxitur zgjidhje të qëndrueshme për kujdesin ndaj kancerit dhe për të siguruar investime të rëndësishme për shërbimet onkologjike.
Zëvendës ministria e shëndetësisë Entela Ramosaço e pranishme në këtë tryezë ekspertësh, pasi falënderoi Europa Donna Albania për organizimin u ndal tek prioritet e qeverisë në luftën kundër kancerit
“Dekada e fundit ka sjellë përparime të jashtëzakonshme në kujdesin ndaj kancerit. Imunoterapia, mjekësia e precizionit dhe diagnostikimi i bazuar në inteligjencën artificiale po transformojnë rezultatet për pacientët. Shkalla e mbijetesës për shumë lloje kanceri po rritet—jo sepse kanceri po zhduket, por për shkak të investimeve të synuara në kërkim dhe inovacion. Ne po punojmë për të identifikuar rastet e kancerit në një fazë më të hershme, kur opsionet e trajtimit janë më efektive”,-tha Entela Ramosaço, zv.ministre e shëndetësisë.
Konferencën e përshëndeti me anë të një videomesazhi edhe Marzia Zambon, Drejtore Ekzekutive e EUROPA DONNA – Koalicioni Europian për Kancerin e Gjirit. Tryeza e rrumbullakët e ndarë në 3 sesione u fokusua në forcimin e bashkëpunimit rajonal, advokimin për rritjen e fondeve në buxhetet e shëndetësisë dhe zhvillimin e rekomandimeve konkrete të politikave për përmirësimin e infrastrukturës së kujdesit ndaj kancerit në rajon. Përfaqësues nga Shqipëria, Bosnja dhe Hercegovina, Kosova, Moldavia, Maqedonia e Veriut, Rumania, Serbia, Britania e Madhe dhe Hollanda, morën pjesë në diskutime mbi çështjet kyçe të onkologjisë.
LEXONI GJITHASHTU:
- Ministri i Malit të Zi: Rubio planifikon ta vizitojë Ballkanin Perëndimor këtë vit
- Parandalohet ngjarja kriminale, arrestohet 38-vjeçari për dhunë e kanosje ndaj gruas
