“Konflikti mes dy deputetëve të opozitës”- Tabaku: Nuk i shërben gjendjes së PD

Deputetja e Partisë Demokratike, Jorida Tabaku, tha se nuk e ka pritur aspak mirë konfliktin mes dy deputetëve të opozitës, Kreshnik Çollakut dhe Dashnor Sulës.

Komentet Tabaku i bëri përmes një interviste për “EuroNews Now” në EuroNews Albania, ku tha se këto konflikte nuk i shërbejnë gjendjes aktuale ku ndodhet PD.

“Jam njoftuar për konfliktim mes dy deputetëve të opozitës që në momentin që ka ndodhur, sepse ka ndodhur në Komisionin e Integrimit, në një komision që unë e drejtoj, ka ndodhur mes dy deputetëve të opozitës. Unë preferoj më shumë fjalën, sesa t’i drejtohem kolegëve në një mënyrë më të fortë. Kjo situatë nuk i shërben as gjendjes aktuale të PD dhe as ngërçit ku kjo forcë politike ndodhet”, tha Tabaku.

Kujtojmë se Sula dhe Çollaku janë përplasur verbalisht dhe fizikisht brenda ambienteve të Kuvendit, ndërsa në një moment Sula e goditi Çollakun me dosjen që mbante në dorë”, tha Tabaku.

LEXONI GJITHASHTU:

• Përplasen fizikisht në Kuvend, Dash Sula godet me dosje Kreshnik Çollakun
• Tensionet në Kuvend, Berisha: Do të vazhdojmë betejën, është aksion pa kthim