Kosova, vendi më i keq për të jetuar si grua/ Gazetarja: Duhen marrë masa

Kosova është vendi i dytë më i keq në Evropë për të jetuar si grua, sipas të dhënave të Indeksit për Gratë, Paqen dhe Sigurinë të vitit 2023.

Indeksi është krijuar nga Instituti i Oslos për Kërkime Paqeje (PRIO).

Në lidhje me këtë gazetarja Mimoza Gavrani e ftuar në emisionin “Good Morning Albanians” në Euronews Albania, theksoi se duhet të merren masa në lidhje me situatën e krijuar.

Ajo theksoi se politika duhet të ndërhyjë duke theksuar se ka dhe mangësi të të dhënave për jetën e grave në Kosovë.

“Ky raport ka bërë bujë në Kosovë dhe në të gjitha mediat. Tani është e rëndësishme të sqarohet edhe termi siguri. Me siguri nuk kuptojmë gjithmonë vetëm situata lufte. Mendoj se kryefjala në këtë diskutim përsa i përket politikave qëndron  në identifikimin e nevojave të sakta që përmirësojnë pozitën e grave. Mangësitë kanë qenë në kohë të vazhdueshme dhe kemi mungesë të dhënave, kjo tregon një pasqyrë jo reale që kohë pas kohe pëson në ndryshime”-theksoi ajo.

LEXONI GJITHASHTU: 

• “Kokaina pihet më shumë në darkë” – Mjeku toksikolog sqaron arsyet
• Policja shqiptare në SHBA: As në market nuk shkoj pa armë me vete