Kreu i FFK: Trajneri i Kosovës do të jetë gjerman, po bisedohet me 3 kandidatë

Kreu i Federatës së Futbollit të Kosovës, Agim Ademi, është shprehur se Kosova do të zgjedhë një trajner të ri, me objektivin për të arritur rezultate, që skuadra të bëhet pjesëmarrëse në ligat e Europës.

Përmes një lidhjeje për Euronews Albania, Ademi u shpreh se aktualisht po bisedohet me tre kandidatë, të cilët sipas tij, janë shtetas gjerman.

Ai tha gjithashtu se interes kanë shprehur edhe trajnerë nga Kroacia për të qenë trajnerë të Kosovës, por shtoi se momentalisht presin të mbyllin marrëveshjen me 1 prej 3 gjermanëve.

“Është temë e rëndësishme se kush do të jetë trajneri. Jemi duke biseduar me disa trajnerë. Tashmë kemi 3 të fundit dhe ai që përshtatet me objektivat tona, sigurisht që do të zgjedhim atë. Objektivat janë që të kemi sa më shumë rezultate.

Jemi në Europë si komb dhe pjesa jonë ka ngelur ashtu siç shihet. Kemi futbollist të mirë dhe kur të kesh 5 futbollistë kampionë në ligat e tyre e të mos realizosh shkuarjen në Europë… Gjithsesi jemi ngritur në këmbë për një trajner të ri. Realisht në Europë dhe do të jetë sigurisht një gjerman.

Të tre që po flasim janë të nacionalitetit gjerman, nëse merremi vesh sigurisht. Kemi edhe nga Kroacia trajnerë që janë të interesuar. Nëse realizojmë me ndonjërin prej këtyre treve marrëveshjen, atëherë është i mirëpritur”, tha Ademi.

LEXONI GJITHASHTU:

• Kosova shkarkoi trajnerin, cilët janë dy kandidatët për ta zëvendësuar
• U përfol si trajneri i ardhshëm i Kosovës, 46-vjeçari spanjoll nënshkruan në Rusi