Shefit ekzekutiv të Telegramit, Pavel Durov, i është zgjatur sërish masa e ndalimit deri më datën 28 gusht, kjo sipas një burimi nga media AFP.
Legjislacioni francez përcakton se pas 96 orëve, Durov do duhej të lirohej ose t’i jepej akuza.
Durov, i lindur në Rusi, është ndaluar në aeroportin francez Le Bourget dhe është marrë në pyetje pasi dyshohet se aplikacioni që ai menaxhon ka shërbyer si urë komunikimi për biseda të cilat në thelb lidhen me mashtrim, trafikimin e drogës, krimin e organizuar dhe promovimin e terrorizmit.
Telegrami ka thënë përmes një deklarate se Durovi “nuk ka asgjë për të fshehur” lidhur me akuzat që po ngrihen ndaj tij.
Presidenti francez, Emmanuel Macron nga ana tjetër, ka thënë se ndalimi i shefit të Telegramit nuk ka qenë vendim politik i Francës.
Telegram, me bazë në Dubai, ka më shumë se 900 milionë përdorues në mbarë botën.
LEXONI GJITHASHTU:
- Arrestimi i CEO-s së Telegram, Kremilini: Nuk dimë për çfarë akuzohet konkretisht
- Macron për arrestimin e CEO-s së Telegram: Qeveria franceze nuk ishte e përfshirë
