Krisje brenda Rithemelimit se u ulën me PS? Deputeti sqaron situatën…

Deputeti i Partisë Demokratike, Edmond Spaho ishte këtë të mërkurë i ftuar në Euronews Albania ku foli për situatën në të cilën ndodhet “Rithemelimi” pas negociatave me Partinë Socialiste.

Spaho tha se pavarësisht diskutimit për të filluar normalizimin e seancave plenare në Kuvend, demokratët do të vazhdojnë të përkrahin Sali Berishën si një të burgosur politik, ndërsa shtoi se do vijojnë me betejën e tyre.

I pyetur nëse ka një krisje të re mes demokratëve, Spaho u përgjigj:

“Absolutisht jo. Zoti shehu nuk ka qenë kundër qëndrimit të grupit. Zoti shehu  tha se duhet të vazhdojmë të përkrahim zotin Berisha, pasi është një i përndjekur politik. Ne padiskutim do e vazhdojmë këtë betejë. Ne nuk kemi hequr dorë nga ajo që e cilësojmë këtë një mazhorancë autotitare”,-tha Edmond Spaho.