“Kriza politike thellohet”, Gashi: Çdo dite që kalon Shqipëria mbetet pa opozitë

Analisti Shpend Gashi komentoi në një intervistë për Euronews Albania zhvillimet e fundit në Partinë Demokratike, duke theksuar se kriza politike vazhdon të thellohet.

Sipas tij çdo ditë që kalon Shqipëria mbetet pa opozitë dhe Kuvendi Kombëtar i PD-së ishte një fasadë.

“Për mua ishte thjesht një fasadë dhe është thjesht thellimi i krizës politike shqiptare, pra ne vazhdojmë hap pas hapi, sekond pas sekondi, minut pas minuti, ditë pas dite, ta lëmë vendin pa opozitë,” – u shpreh Gashi.

Analisti theksoi se gjithçka që po ndodh aktualisht pritej duke qenë se vetë politika shqiptare është shumë e programuar dhe e parashikueshme.

“Moralisht, as Berisha, as Basha, as Rama, as Meta, as Veliaj, janë të pamoralshëm të gjithë. Nuk ka burra të mirë, kush më shumë e kush më pak. Si faktor veprimtarie politike, ka që Berisha ka shumicën e demokratëve, Rama është njeriu më i pushtetshëm në Shqipëri, Erion Veliaj është pas Edi Ramës që e suporton, Ilir Meta vazhdon të mbahet pas shpatullave të Sali Berishës, ndërkohë që Basha është fëmija jetim i politikës shqiptare,” – u shpreh Gashi.

LEXONI GJITHASHTU:

• “Nis rindërtimi i PD-së moderne”, Basha: Parti e qytetarëve, jo e kryetarëve
• Alibeaj mungoi në Kuvendin e PD/ Gazetari: Dërgoi video-mesazh, ishte jashtë shtetit