Kroacia në finalen e Ligës së Kombeve, shkëlqen “veterani” Modriç

Kroacia siguroi finalen e Liges së Kombeve pasi mposhti të mërkurën në kohën shtesë me shifrat 2-4, kombëtaren e Holandën, falë edhe një paraqitjeje spektakolare të kapitenit Luka Modriç.

Ishin “Tulipanët” që kaluan të parët në avantazh me anë të Maalen në minutën e 34-të. Skuadra e drejtuar nga trajneri Ronald Kuman e mbylli në avantazh fraksionin e parë, ndërsa në të dytën, kroatët dolën nga dhomat e zhveshjes me një marsh më shumë. Ekipi ballkanas arriti te barazonte shifrat ne minuten e 55-te me ane te Kramariç, ndërkohë që në minutën e 72-të Pasaliç i dha avantzhin ekipit te drejtuar nga trajneri Daliç. Holanda u hodh e gjitha në sulm për të gjetur golin e barazimit dhe në fakt ia doli kur shënoi në minutën e 97-të me anë të Lang. Gjatë 90-minutave ndeshja u mbyll në barazim 2-2.

Në kohën shtesë Kroacia u rikthye sërish në avantazh. Ai që shënoi ishte Petkoviç në minutën e 100-të, me një goditje preçize nga distanca. Në minutën e 116-të, Malacia gaboi dhe shkaktoi një penallti pas një ndërhyrje të gabuar ndaj Petkoviç.

Nga pika e bardhë, Luka Modriç nuk gaboi dhe shënoi golin e katërt dhe atë që mbylli përfundimisht ndeshjen me rezultatin 2-4. Tashmë, në finalen e së dielës mbrëma, ballkanasit presin fituesin e çiftit Spanjë-Itali, ndeshje e cila luhet sot në orën 21:00.

LEXONI GJITHASHTU:

• Interi lë pas krahëve humbjen në finale, nis “vrullshëm” merkaton
• Newcastle i ofron Interit 60 milionë euro për yllin e tyre