Kryeministri polak: Plani për paqen e Ukrainës nuk duhet të minojë sigurinë e BE-së

Kryeministri polak, Donald Tusk, tha se çdo marrëveshje për t’i dhënë fund luftës së Rusisë në Ukrainë nuk duhet të minojë sigurinë e Polonisë apo të Evropës, duke theksuar se ajo duhet të forcojë mbrojtjen rajonale, jo ta dobësojë atë.

Komentet e Tusk vijnë në mes të një përpjekje të rinovuar nga Presidenti i SHBA-së, Donald Trump, për t’i dhënë fund luftës gati katërvjeçare, përfshirë një propozim prej 28 pikash të paraqitur Kievit javën e kaluar, të cilin kritikët e quajtën shumë të favorshëm për Moskën.

Propozimi, i publikuar nga mediat, kërkonte lëshime territoriale nga Ukraina, një kufizim në madhësinë e forcave të saj të armatosura dhe një premtim se Kievi nuk do t’i bashkohej kurrë NATO-s një nga kërkesat e hershme të Presidentit rus Vladimir Putin.

Plani shkaktoi alarm në disa kryeqytete evropiane, të cilat e shohin luftën në Ukrainë si një kërcënim për sigurinë e tyre dhe kanë paralajmëruar vazhdimisht se çdo marrëveshje e hartuar me kushte të favorshme për Moskën do të rrezikonte të inkurajonte agresion të mëtejshëm të Kremlinit.

Të dielën, një delegacion ukrainas zhvilloi bisedime me ekipe nga Shtetet e Bashkuara dhe aleatët evropianë në Gjenevë. Pas takimit, Kievi dhe Uashingtoni thanë në një deklaratë të përbashkët se kishin hartuar një “kornizë të rafinuar paqeje” dhe riafirmuan se çdo zgjidhje e ardhshme që synon t’i japë fund luftës “duhet të mbështesë plotësisht sovranitetin e Ukrainës dhe të ofrojë një paqe të qëndrueshme dhe të drejtë”.

LEXONI GJITHASHTU:

• Presidenti i KE: Qëndrim i unifikuar i BE, çelësi për negociata për paqen në Ukrainë
• Bisedimet e Gjenevës SHBA-Ukrainë për paqen, vjen reagimi i Shtëpisë së Bardhë