Kryeministri spanjoll Pedro Sanchez ka mbërritur për një vizitë zyrtare dyditore në Serbi.
Në aeroport është pritur nga ministri i Financave Sinisa Mali, ndërsa ceremonia e pritjes para Pallatit të Serbisë është caktuar në orën 18:30.
Sanchez do të pritet nga presidenti Aleksandar Vuçiç, ndërsa në prag të vizitës në rrugët kryesore të Beogradit u vendosën flamuj spanjollë për nder të të ftuarit të rangut të lartë.
Sanchez dhe Vuçiç do të bisedojnë privatisht dhe më pas do të ketë një takim plenar të delegacioneve të Serbisë dhe Spanjës. Pas kësaj janë planifikuar deklaratat për media të dy zyrtarëve.
Pritet që vizita e Sanchez të jetë një shtysë shtesë për thellimin e bashkëpunimit ekonomik mes dy vendeve.
LEXONI GJITHASHTU: