Kryeziu: Mezi presin të gabojë Kurti, të gatshëm të plotësojnë çdo kërkesë të Vuçiç

Deputetja e Vetëvendosjes, Arbëresha Kryeziu tha në një intervistë për Euronews Albania se gabimet e Kurtit vihen në qendër të vëmendjes dhe mezi i presin.

Duke diskutuar për situatën aktuale me veriun e Kosovës, Kryeziu shtoi se asnjë nga kritikët e kryeministrit të Kosovës nuk ka qenë aty kur vendi ka pasur nevojë.

“Vetëm doja të dija në atë kohë kur këta kanë nënshkruar dhe kanë qenë të gatshëm t’i thonë po Vuçiçit për çfarëdo kërkese që ai ka pasur a i kanë pasur parasysh këto plagët? A kanë kërkuar këta ndonjëherë llogari për krimet e luftës në Kosovë? A kanë kërkuar këta ndonjëherë llogari për krimet e luftës që janë bërë në Kosovë? A kanë kërkuar këta ndonjëherë llogari për gjithçka ka Serbia iu ka bërë ndër vite shqiptarëve, jo vetëm gjatë luftës së fundit në Kosovë? Kjo nuk ka të bëjë në fakt vetëm me luftën e fundit në Kosovë sepse Kosova me Serbinë është në luftë,” – u shpreh Kryeziu.

Ajo shtoi se personalisht mendonte që edhe pas arritjes së një marrëveshje përsëri do të ekzistonin probleme mes palëve.

LEXONI GJITHASHTU:

• Kurti: U futa në dialogun me Serbinë se organizohet nga BE-ja
• “Me kë do luftojë Serbia, Kosova është SHBA”- Rama: Shkruhem herë pas here me Kurtin