‘Ku është drejtësia?’ | Walker: E papranueshme që Thaçi vijon të jetë në burg

William Walker, shefi i Misionit Monitorues të OSBE-së në Kosovë, njeriu i cili pa dhe i dëshmoi botës masakrën e Reçakut më 15 janar të vitit 1999, deklaroi se është e papranueshme fati që ish-Presidenti i Kosovës, Hashim Thaçi dhe ish-komandantët e UÇK-së, vijojnë ende të jenë në burg.

Në një intervistë ekskluzive për Euronews Albania, Walker u shpreh se krimet e luftës janë kryer nga policia serbe dhe ata nuk ndodhen në Hagë.

Sipas tij, ata duhet të mbajnë përgjegjësi për krimet e luftës.

“Do dëshiroja që komuniteti ndërkombëtar të ngrinte një gjykatë, jo për të gjykuar Hashim Thaçin, Jakup Krasniqin dhe të tjerët. Ishte e papranueshme mbajtja e tyre për vite me radhë në qeli, në një kohë kur shumica e krimeve më të tmerrshme, disa mijëra krime lufte, u kryen nga policia serbe dhe ata nuk ndodhen në Hagë.

Ku është drejtësia? Ku është mbajtja e përgjegjësisë për ata që kryen ato krime lufte në atë kohë? Mendoj që establishmenti i kësaj Gjykate Speciale është një farsë, sa i takon drejtësisë”, theksoi ai.

LEXONI GJITHASHTU

• “Pashë trupat e vdekur”- Walker rikujton Reçakun: Serbia të pranojë atë që ndodhi
• “Kurrë nuk do merrej vesh masakra e Reçakut”- Walker rrëfen atentatin e serbëve
• Kurti takon Walker, njeriun që i tregoi botës krimet e luftës në Kosovë