“Kurti dështoi në ndërhyrjen e tij në zgjedhjet në RMV”- Menduh Thaçi në Euronews

Kreu i PDSH, Menduh Thaçi, në një intervistë për Euronews Albania, ka folur në lidhje me zgjedhjet në Maqedoninë e Veriut.

Ai theksoi se angazhimi i Albin Kurtit nuk ka ndihmuar shqiptarët në zgjedhjet në Maqedoninë e Veriut.

Mes tjerash  Thaçi nënvizoi se presidenti i Maqedonisë së Veriut, Stevo Pendarovski i ka premtuar Kurtit mbështetje në raundin e dytë.

“Në asnjë mënyrë nuk preferoj që procesi të shtyhet dhe realiteti është ky. Asnjëra palë nuk e ka siguruar komoditetin e numrave që të sillet kështu. Unë ju them me plotë kompetencë që atë ditë që do votohen ndryshimet kushtetuese BDI  do të rri në opozitë. I duam pa diskutim ndryshimet kushtetuese. Serioziteti i qasjes duhet të jetë shumë më i madh. Raporti i numrave do të ndryshojë. Minimumi i frontit do të jetë 21 ndërsa  maksimumi i palës tjetër do të jetë 9 ose 10.

Angazhimi i Kurtit nuk ndihmoi asnjë, garën e bëri më të fortë brenda, pasojat janë më të mëdha dhe më të rënda. Nuk e ndejmë veten mirë që ai ka dështuar politikisht në angazhimin e tij. Unë jam i sigurt që dhe pozicioni i tij do të ndryshojë tani në raport me Maqedoninë. Informatat e mia më thonë se Pendarovski i ka premtuar mbështetje në raundin e dytë. Jam plotësisht i sigurt që Kurti do ta mbështesë kushtëzimin institucional të shqiptarëve  për të qeverisur me maqedonasit për ndryshimin e Kushtetutës”-tha ai.

LEXONI GJITHASHTU: 

• “Ballkani sa më parë në BE”- Presidenti i KE: Të bëhmi gati për anëtarët e rinj
• U rrah keq në burg në 2016, vdes shqiptari i dënuar për vrasje të dyfishtë në Itali