“Kurti është superior ndaj presidentit serb”, Spartak Ngjela: Vuçiç do rrëzohet

Avokati Spartak Ngjela i ftuar në Euronews Albania tha se Albin Kurti në këtë rast është shumë i ngjashëm me presidentin Ukrainës, Zelenskyn pasi Vuçiç po e kërcënon.

Nga ana tjetër Ngjela tha se presidenti i Serbisë po përballet me revolta shumë të mëdha, pasi e djathta serbe i ka dalë kundër duke parë dështimet e tij. Sipas Avokatit Vuçiç do të rrëzohet pasi mënyra si po operon është kundër perëndimit.

“Atij po i bëjnë revolta të mëdha, Vuçiç do rrëzohet sepse mënyra se si po operon është kundër perëndimit. Kundër perëndimit, ata vdesin. Rusia është në krizë, se mban dot. Ne na intereson të rrijë Vuçiç deri sa  ta shkatërrojë, se ku gabon. E djathta i ka dalë kundër se e shikon që ky i ka hipur kalit të dështimit dhe po përpiqet ta ndalojë,”-tha Spartak Ngjela.

I pyetur se si e shikon vijimin e dialogut mes Prishtinës dhe Beogradit, Ngjela tha se ai dhe të gjithë analistët e shikojnë Albin Kurtin superior pasi sipas tij Vuçiç do që të bëjë Kosovën një federartë serbo-shqiptare dhe këtë gjë nuk e pranon askush.

“Analistët serioz që kam lexuar unë në  bisedimet e tyre superior nxirrnin Kurtin. Të gjithë ekspertët normal thanë se është superior edhe unë kështu mendoj. Unë shikoj se kush është superior në bisedime. Vuçiç do që të bëjë Kosovën një federartë serbo-shqiptare. Po kush e pranon këtë?”-tha avokati Ngjela

LEXONI GJITHASHTU:

• Gjendet i mbytur në kanal 59-vjeçari i shpallur në kërkim nga policia
• Pranohet gjykimi i shkurtuar për 16 nga 19 të akuzuarit e inceneratorit të Fierit