“Kurti nuk është lango”, Nesho: Edhe nëse nuk e kishim, duhet ta krijonim një si ai

Nënkryetari i Partisë së Lirisë, Agim Nesho  thotë kryeministri shqiptar Edi Rama ka zgjedhur të jetë në anën e Beogradit dhe kryeministrit Vuçiç, duke mënjanuar Kosovën.

Në një intervistë për Euronews Albania, ku u diskutua Open Balkan dhe situata në Kosovë, Nesho u shpreh se Kurti është një lider i vërtetë, që nuk e ul kokën dhe bindet, qoftë edhe ndaj partnerëve ndërkombëtarë, kur kjo gjë bie ndesh me interesin kombëtar.

“Kurti nuk është kundër shqiptarëve. Njeriu problematik në këtë marrëdhënie është Rama që ka pranuar të bashkëpunojë me Beogradin dhe Vuçiçin në të gjitha projektet e tyre tepër të dyshimta dhe pro interesave ruse duke anashkaluar Kosovën. Edhe nëse nuk e kishim, duhet ta krijonim një Kurti, një lider që nuk është lango që të sillej përpara sa herë zyrtarë të administratës së vendeve mike të thoshin  diçka të pabazuar në fakte dhe ulim kokën e të zbatonim ato. Politika jonë shumë herë ndihet inferiore kundrejt politikës ndërkombëtare”, tha Nesho.

LEXONI GJITHASHTU:

• Bushati: Burrë i zgjuar ishte dhe Lavrov, po s’na pëlqen ne
• Bushati tregon arsyet se pse po favorizohet Vuçiç