Kurti udhëton për në Davos, merr pjesë në Forumin Ekonomik Botëror

Kryeministri i Kosovës, Albin Kurti ka udhëtuar drejt Davosit në Zvicër, ku do të marrë pjesë në Forumin Ekonomik Botëror (WEF). Kurti do të jetë pjesë e këtij forumi së bashku me liderë të shumtë nga e gjithë bota.

Në kuadër të WEF, Kosova do ta ketë për të dytin vit me radhë shtëpinë e saj. Kurti do të marrë pjesë në ngjarjet dhe panelet e diskutimit që organizohen në “Shtëpinë e Kosovës”, krahas edhe takimeve zyrtare bilaterale me udhëheqës të lartë dhe investitorë në margjina të Forumit Ekonomik Botëror.