Kurti vendos kushte për dialogun, kryeministri rezerva për aktakuzën për ‘Banjskën’

Kryeministri i Kosovës, Albin Kurti, vazhdon të jetë jo shumë i kënaqur me atë që bëri Prokuroria Speciale e Kosovës.

Ai kur foli për ngritjen e aktakuzës për rastin ‘Bajnska’, përsëriti qëndrimin se ky hap është i vonuar, duke e lidhur këtë edhe me situatën e dialogut me Serbinë.

Kurti la të nënkutohet se dorëzimi i Milan Radojiciç dhe pjestarëve të tjerë të grupit terrorist është një ndër kushtet për vazhdimin e dialogut me Beogradin.

Po ashtu, kreu i qeverisë së Kosovës insistoi përsëri për nënshkrimin e marrëveshjes bazike në mënyrë që të tregohet mirëbesim, si një garanci juridike për zbatimin e saj.

“Nuk e kam parë aktakuzën. Jam i bindur që ka mundur të ngrihet shumë më herët. Por më mirë vonë se kurrë. Megjithatë duhet ta shohim përmbajtjen e saj, që të mund të flasim për të.

Ajo që ne insistojmë kudo që ndodhemi, e parë është dorëzimi i Millan Radoiçiçit, sepse krimin e ka kryer në Kosovë, pasi Banjska është në veri të Kosovës. Duhet ta tërheqin atë letrën e ish-kryeministres Bërnabiç, me të cilën ajo ka hequr dorë nga zotimi i Serbisë prej marrëveshjes bazike dhe aneksit të zbatimit duke thënë se pranon pavarësinë, nuk e respekton integritetin territorial dhe nuk do ta pranojë ulësen e Kosovës në OKB.

Një marrëveshje e panënshkruar po shihet se është një marrëveshje shumë e kollajtë për të mos u respektuar e zbatuar”, tha Kurti.

LEXONI GJITHASHTU:

• “Albin Kurti po na sfidon”, ambasadori amerikan në Kosovë flet për partneritetin
• Admirali i NATO-s takohet me kryeministrin Albin Kurti