Kush e goditi burgun? Rusia dhe Ukraina akuzojnë njëra-tjetrën

Rusia dhe Ukraina akuzojnë njëra-tjetrën për bombardimin e një burgu në një rajon separatist të Ukrainës lindore, një sulm që raportohet  se vrau dhjetëra të burgosur ukrainas që u kapën pas rënies së një qyteti port jugor në maj.

Rusia pretendon se ushtria e Ukrainës përdori raketa të furnizuara nga SHBA për të goditur burgun në Olenivka.

“Kam marrë raporte  për sulmin e pushtuesve në Olenivka. Ishte një krim lufte i qëllimshëm rus, një vrasje masive, e qëllimshme e të burgosurve ukrainas të luftës. Më shumë se 50 të vdekur. Kur mbrojtësit e “Azovstal” u larguan nga uzina, OKB-ja dhe Komiteti Ndërkombëtar i Kryqit të Kuq vepruan si garantues të jetës dhe shëndetit të ushtarëve tanë” u shpreh presidenti Zelenksy.

Sulmet ruse nuk e ndalin aksionin, së fundmi goditën  qytetin ukrainas të Mykolaiv ku vranë pesë persona dhe plagosën shtatë të tjerë.

Shtylla të mëdha tymi ngrihen edhe  mbi qytetin lindor të Ukrainës, Soledar, i parë si objektivi i radhës i Rusisë.

Ndërsa në Odesa bëhen gati anijet e para që do të transportojnë grurin e bllokuar. I gjithë operacioni i daljes së grurit  do të mbikëqyret nga zyrtarë të Ukrainës, Rusisë, Turqisë dhe OKB-së.

LEXONI GJITHASHTU:

• Rusia ndalon gazin edhe për Letoninë