Kush është Vlora Hyseni, propozimi i Ramës për drejtimin e SHISH

Kryeministri Edi Rama i propozoi Presidentit Bajram Begaj, këtë të premte, emrin e Vlora Hysenit për drejtimin e Shërbimit Informativ Shtetëror.

Hyseni paraqitet si ekspert dhe njohëse shumë e mirë e çështjeve të sigurisë dhe marrëdhënieve ndërkombëtare.

Ajo ka udhëhequr për një periudhë 6-mujore, nga dhjetori i vitit 2020 deri në qershor të vitit 2021, Agjencinë e Kosovës për Inteligjencë.

Periudhë e cila institucioni i inteligjencës kosovare ishte pa drejtues.

Më herët ajo mbante postin e zëvendësdrejtoreshës në Agjencinë e Kosovës për Inteligjencë, si dhe postin e drejtoreshës për marrëdhëniet me jashtë në këtë institucion.

Ajo u shkarkua nga posti i drejtueses së AKI, më 30 qershor 2020 me vendimin e marrë nga Presidentja Vjosa Osmani dhe kryeministri Albin Kurti.

Arsyet e vendimit të shkarkimit nuk u bënë publike asokohe. Ndërkohë që bëhet me dije se Hyseni është një njohëse shumë e mirë e gjuhëve të huaja dhe që flet plot 6 të tilla.

NJOFTIMI I KRYEMINISTRIT RAMA

Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ të Shtetit, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar.

LEXONI GJITHASHTU:

• Rama zbulon emrin për kreun e ri të SHISH: Ia paraqita sot Presidentit Begaj
• Arrestimi i Allës, kreu i PD-së në Bulqizë: Ishte përdorues i lëndëve narkotike
• Berisha: Basha dhe Alibeaj s’kanë lidhje me PD, Rama po i përdor pa mëshirë