“Largimi i Ahmetajt, strategji për t’u mbrojtur”. Gazetari Muça zbulon detajet

Gazetari Flogert Muça tha në një intervistë për Euronews Albania se vendimi i Arben Ahmetajt për t’u larguar nga vendi dhe për të mos u përballur me drejtësinë është një strategji për t’u mbrojtur.

Sipas tij, Ahmetaj nuk i është shmangur akoma drejtësisë, por kuvendit që i hoqi imunitetin.

“Derisa të ketë një urdhër arresti dhe pastaj të shohim kthehet a s’kthehet, s’mund të themi. Ndoshta mund të kthehet ditën që do lëshohet urdhër arresti. Në dijeni time nëse nuk gjendet brenda 2 muajsh futet në listën e Interpolit. Është strategji e tij, çdo gjë që ai thotë është në kuadër të mbrojtjes. Secili nga të akuzuarit zgjedh një strategji. Dhe Ahmetaj ka zgjedhur këtë strategji për arsyet e tij që nuk kemi pse i paragjykojmë se tani ai është në hall. Akoma nuk i është shmangur drejtësisë, i është shmangur kuvendit”, tha Muça.

LEXONI GJITHASHTU:

• Gazetari zbulon mesazhin e Ahmetajt për SHBA-në: Ja çfarë nënkupton ish-zyrtari
• Gazetari: Dosja e SPAK për Ahmetajn e kopsitur, ndaj iu shmang ballafaqimit