Prej dy ditësh Fronti Evropian, i udhëhequr nga BDI po qëndron para Gjykatës Kushtetuese në pritje të vendimit për Ligjin e gjuhës shqipe.

Zëdhënësi Bujar Osmani thotë se veprimet e qeverisë aktuale e kanë burimin në Beograd.

“Ka një lojë më të madhe që burimin e ka në veri, në Beograd. Unë kam frikë se këtu ka një mision që ata e quajnë vtoro poluvreme (pjesa e dytë), për t’iu hakmarrë Marrëveshjes së Ohrit. Për ta demontuar brenda 100 ditëve të para”, thotë  Bujar Osmani, zëdhënës i BDI-së.

Osmani konsideron se qeverisja e Mickoskit i ka të gjitha elementet e shtetit të kapur.

“Elementet e shtetit të kapur po shihen gjithandej. Në çdo front ne kemi rikthim të shtetit të kapur. Kryeministri është prokuror, kryetar i gjykatës kushtetuese, keqpërdoren instrumentet shtetërore për të bërë presion mbi aktivizimin politik. Ky është shteti i kapur! Brina nuk ka shteti i kapur”, shprehet ai.

Gjatë kësaj të hëne është parashikuar mbledhje e kryesive qendrore të partive opozitare e më pas protestës pritet ti bashkëngjiten edhe krerët e partive politike.

Ditë më parë, Zëvendëskryeministri Izet Mexhiti në rrjetet sociale siguroi qytetarët se ligji nuk do të shfuqizohet të mërkurën, ditë në të cilën është caktuar edhe seanca në Gjykatën kushtetuese e në rend të ditës është edhe iniciativa për shfuqizimin e ligjit.

LEXONI GJITHASHTU:

• Mbledhje e përbashkët Kosovë-RMV, ja marrëveshjet që u nënshkruan
• Sot mbledhja e përbashkët qeveritare Kosovë-RMV, zbardhet axhenda