Lita kritik me Kurtin: Po përdor kartën e nacionalizimit për interesa politike

Gazetari Lavdrim Lita tha në një intervistë për Euronews Albania se kokëfortësia e Albin Kurtit edhe përballë presionit të SHBA lidhur me çështjen e dinarit është një lojë politike.

Sipas tij, Kurti po përdor kartën e nacionalizmit dhe shtrirjes së sovranitet të veri të Mitrovicës për ta përdorur si arritje në zgjedhjet politike që po afrojnë.

“Albin Kurti është një aktor racional, por edhe kokëfortë. Nuk është si këta të Tiranës që bëjnë gjithça i kërkon BE dhe SHBA por mendoj se po luan një kartë për të luajtur në zgjedhjet e ardhshme. Kurti nuk ka ndonjë arritje të brendshme që mund tua shesë njerëzve. Kosova është shtet multietik që nga krijimi ku edhe komunitete brenda saj kanë të drejta. Kosova duhet t’i trajtojë me dashamirësi minoritetet dhe të mos sillet siç ka bërë Serbia me minoritetet. Kurti në mungesë të arritjes së sukseseve të brendshme trajton një kartë si shtrirjen e sovranitetit një veri të Mitrovicës si arritje të tij”,  tha Lita.

LEXONI GJITHASHTU:

• Ministri i Kurtit reagon pas deklaratës së O’Brien: Konsultohemi gjithnjë me aleatët
• Kush e thuri atentatin ndaj Albin Kurtit? Flet nënkryetari i Kuvendit të Kosovës