Komisioni i Ekonomisë vendosi dje që të rrisë pagat për ministrat dhe deputetët së bashku me 130 mijë punonjësit e administratës shtetërore dhe 250 funksionarët e lartë.
Me ndryshimet e miratuara, paga e Kryetarit të Kuvendit dhe Kryeministrit shkon në rreth 393 mijë Lekë, e ministrit në 318 mijë Lekë, ndërsa e deputetit në 310 mijë Lekë.
Anëtarja e Këshillit Bashkiak, Rigerta Loku Tushaj, e ftuar në emisionin “Good Morning Albanians” në Euronews Albania, theksoi se ministrat e deputetët po i japin privilegje vetes në raport me punën që po bëjnë për komunitetin.
Ndër të tjera, ajo theksoi se nëse nuk reagon populli, ata do të vazhdojnë të bëjnë punën e tyre.
“Mua më pëlqen ai humori i zi që ne e trajtojmë këtë punë, sepse në rast se një nënpunësi i rritet 20% rroga, ata i rrisin 100% rrogën vetes. Sa privilegje i japin ata vetes dhe sa pak ose aspak ia përcjellin punën komunitetit.
Nëse ne nuk zgjohemi kolektivisht, ata do të vazhdojnë ta bëjnë këtë lojë të pistë 30 vjeçare”- tha ajo.
LEXONI GJITHASHTU:
- Gjykatësi cakton 25 marsin 2024, si datë për një gjyq ndaj ish-presidentit Trump
- Marrëveshja/ Shqiptarët e dënuar në Londër, do ta kryejnë burgun në Shqipëri
