“Lufta jonë nuk është me këta”, Lapaj: Të gjithë kanë probleme me drejtësinë

Kreu i Nismës “Shqipëria Bëhet”, Adriatik Lapaj tha në një intervistë për Euronews Albania se beteja e lëvizjes që ai drejton nuk është me kastën e politikanëve të vjetër, që siç tha kanë të gjithë probleme me drejtësinë.

Sipas Lapajt, ky është momenti kur shqiptarët duhet të zgjedhin elitën e re politike dhe jo ata që i cilësoi kukulla të politikanëve të vjetër që do të mbajnë sërish zvarrë vendin.

“Lëvizja përmes platformës online, mund të futet gjithkush të anëtarësohet, anëtarësimet po shkojnë shumë mirë, në Tiranë mbi 1500 anëtarë. Ne jemi për një rrugë të gjatë, shqiptarët duhet të ndajnë; a do rrinë për rrugën e gjatë me kukullat e këtyre, se këta vetë e kanë mbyllur ciklin si me Adriatikun si pa Adriatikun, kanë probleme me drejtësinë, këta vërdallë e kanë mbyllur historinë. Lufta jonë nuk është me këta që janë, këta e kanë mbyllur, kanë halle me drejtësinë, puna është a do jemi ne, pra elita e re e Shqipërisë që e çon përpara procesin apo kukullat e këtyre që do ta mbajnë Shqipërinë zvarrë edhe 20 vjet”, tha Lapaj.

LEXONI GJITHASHTU:

• Nga Rama-Berisha tek Qori-Lapaj, si renditen liderët e politikës për pëlqyeshmërinë
• Rritet pëlqyeshmëria për liderët e rinj, ja kush kryeson mes Qorit, Shabanit, Lapajt