Lufta në Kosovë| “U abuzua, e vranë para dasmës”- Aktivistja: Historia e 18-vjeçares

Aktivistja Luljeta Selimi ka thënë se rastet e dhunës seksuale ndaj grave e vajzave në Kosovë gjatë luftës së vitit 1999 kanë qenë të shumta.

Në Euronews Albania Selimi rrëfeu një rast që sipas saj është më i rëndi i abuzimit seksual të kryer nga serbët gjatë luftës në Kosovë.

Ajo tregoi historinë e një 18-vjeçareje e cila u përdhunua pak kohë përpara se të martohej dhe që më pas ndërroi jetë.

“Do ta veçoja një zonjë që gjatë luftës kishte qenë 18-vjeçare. Ajo është përdhunuar, gjatë asaj kohe kishte qenë e fejuar dhe kishte planifikuar me të fejuarin që pas përfundimit të luftës do të martoheshin.

Familja e vajzës i kishte thënë dhëndrit që vajza të shkonte me të, por dhëndri i kishte thënë që jo, është mirë të qëndrojë me ju, sepse unë do të shkoj të luftoj.

Dhe gjatë luftës ajo përdhunohet dhe vdes. Në ditën e parë kur u fut KFOR në Kosovë me gazetarët u futa dhe unë. Këtë kufomë e nxora nga liqeni i Vërmicës, e nxora duke menduar se ishte gjallë sepse uji po lëvizte kufomën, por kur e nxora ajo ishte e vdekur”, tha Selimi.

LEXONI GJITHASHTU:

• Flet 12-vjeçarja e abuzuar në Pogradec: Do martoheshim kur të rritesha
• Dokumentacioni për parqe fotovoltaike, Balluku-bizneseve: Mos bini pre e abuzimit