Lufta nuk prek ekonominë tonë, borxhi publik do ulet

Standard & Poor’s thotë se lufta Rusi-Ukrainë ka ndikim të papërfillshëm në ekonominë e Shqipërisë. Me këtë argument, agjencia pret që borxhi publik dhe çmimet të ulen në vitin 2023.

Konflikti Rusi-Ukrainë nuk ka ndonjë ndikim domethënës në ekonominë e vendit tonë. Në krahasim me disa vende të rajonit, lidhjet tregtare janë gati të papërfillshme dhe në këtë aspekt, tregu funksionon më mirë.

Mbi këto argumente, Standard & Poor’s flet për një ekonomi të qëndrueshme, duke vendosur edhe notën B+ për menaxhimin e borxhit publik.

Agjencia thotë se ky i fundit  do ulet në vitet në vijim, sipas objektivit që ka vendosur qeveria për ta çuar ne 45% të PBB-së në 2025-ën, nga 70% që është sot.

Për S’P, rritja ekonomike do të jetë më e ngadaltë këtë vit dhe do të zgjerohet me investime  në 2023-shin, periudhë, kur edhe çmimet do të stablizohen.

Kujtojmë, se inflacioni ka kaluar 7 përqindshin në muajin qershor, ndërsa do të regjistrohet 6.4% për vitin. Masat që do të marrin Bankat Qendrore në Europë dhe Shqipëri, pritet ta çojnë inflacionin në 3 %, vitin tjetër.

Agjencia vlerëson edhe sistemin bankar, aty ku kreditë me probleme janë ulur në 5% nga 25%, para 8 viteve.

LEXONI GJITHASHTU:

• Lufta Ukrainë-Rusi, shkatërrimi i një ure strategjike ndryshon situatën