Luhen ndeshjet e para në US Open, nuk zhgënjen Novak Xhokoviç

Novak Xhokoviç nuk zhgënjen në US Open, duke u rikthyer me fitore në raundin e parë të kompeticionit. Përballjet e para nuk prodhuan surpriza, me favoritët të cilët triumfuan lehtësisht ndaj kundërshtarëve të tyre. Pas 2 vitesh mungesë, kjo për shkak të Covid, Xhokoviç dhuroi spektakël duke mposhtur lehtësisht francezin Muller.

Raundi i parë u mbyll me rezultatin 0-6 për Xhokoviç, ndërsa dy raundet e tjera, 2-6 dhe 3-6. Kjo ishte një nisje e shkëlqyer për serbin, i cili më parë e ka fituar këtë kompeticion 3 herë.

Fitore regjistroi dhe greku Cicipas, i cili u përball me kanadezin Raonic. Kanadezi provoi të rezistonte, por e pati të pamundur me kundërshtarin e tij që i fitoi të treja setet me rezultatet 6-2, 6-3, 6-4. Kompeticioni prodhoi rezultate interesante dhe në përballjet e femrave. Kalimin në raundin e dytë e siguruan Kirstea, Gauf, Ostapenko, Kvitova e Linet. Përballjet e raundit të para luhen deri në mbrëmje, për tu rikthyer më pas me fazën tjetër.

• LEXONI GJITHASHTU:
• Barcelona pa fat, Katalanasit barazojnë me Getafen, 9 kartona gjatë ndeshjes
• Konflikti në ndeshjen Tirana-Beshiktash, precedohen penalisht 14 tifozët e skuadrave