Reperi amerikan Macklemore ka anuluar shfaqjen e tij të ardhshme të tetorit në Dubai, Emiratet e Bashkuara Arabe, për shkak të rolit të dyshuar të vendit në konfliktin vdekjeprurës në Sudan.
Ai tha se njerëzit i kishin kërkuar prej muajsh që të anulonte koncertin në shenjë solidariteti me popullin sudanez “dhe të bojkotonte të bërit biznes në Emiratet e Bashkuara Arabe për rolin që ata po luajnë në gjenocidin e vazhdueshëm dhe krizën humanitare në rajon”.
Reperi përmendi mbështetjen e raportuar të Emirateve të Bashkuara Arabe për Forcat e Mbështetjes së Shpejtë paraushtarake të Sudanit (RSF), e cila ka qenë duke luftuar me ushtrinë sudaneze.
“Derisa Emiratet e Bashkuara Arabe të ndalojnë armatosjen dhe financimin e RSF-së, unë nuk do të performoj atje”, tha ai në një postim në Instagram.
As qyteti i Dubait dhe as qeveria e Emirateve të Bashkuara Arabe nuk e kanë komentuar deklaratën e Macklemore.
LEXONI GJITHASHTU:
- Shpërthen diga në Sudan pas rreshjeve të mëdha, vriten 60 persona
- Shpërthen sëmundja e kolerës në Sudan, rritet alarmi për epidemi
