Basir Çollaku tha për Euronews Albania se një nga gjëra që kuptoi nga intervista e drejtuesit të SPAK Altin Dumanit për “La Repubblica”, është fakti se në Shqipëri po qeverisë mafia.
Sipas tij këtë e tregon fakti që grupet kriminale shqiptare diktojnë pjesë të rëndësishme të tregut të drogës në botë. Ai tha se këto grupe janë shtrirë kudo ku ka treg të kokainës dhe furnizohen si dorë e parë.
“Mafia e re ka modifikuar le të themi aktivitetin e saj për lidhjet me shtetin. Përfaqësuesit e saj nuk janë të lidhur në mënyrë të drejtpërdrejte me shtetin, siç është në Shqipëri, por që prapë vendimmarrja u takon atyre. Gjithçka që ata kërkojnë do dalë nga zëri i personave pushtetar që kanë lidhje me mafien. Ajo që unë pash nga kjo intervistë është fakti se ne na qeveris mafia.
Shqipërinë e qeverisë mafia, për sa kohë në gjysmën e Europës, grupet kriminale shqiptare vënë dorë dhe diktojnë pjesë të rëndësishme të tregut. Jemi në Amerikën Latine, në Kolumbi, Panama, Peru , Ekuador, nga ku buron lënda e parë e kokainës, jemi prezent duke u furnizuar si dorë e parë. Dore e parë atje, dore e parë këtu. ku dalim dorë e dytë ne? Ne se kemi qejf vendin e dytë”, tha Basir Çollaku.
LEXONI GJITHASHTU:
- Goditet në Spanjë klani “Farruku”, 20 të arrestuar. Mes tyre dhe avokati i njohur
- Vakancat në prokurori, kreu i KLP: Nuk e menduam se do të shkarkoheshin kaq shumë
- Mungesa e prokurorëve në SPAK, kreu i KLP: Presim të kalojnë vetingun
