Kreu i KLP-së Alfred Balla, ka dhënë një intervistë ekskluzive për Euronews Albania.
Ai tha se aktualisht në detyrë janë 214 prokurorë ndërkohë që janë 107 vakanca, gjë e cila sipas tij po krijon vështirësi në sistem.
Balla foli dhe për vettingun, ku bëri me dije se nga ky proces janë shkarkuar 50 prokurorë, numër të cilin nuk e prisnin.
“Aktualisht në sistem ne kemi 341 prokurorë ndërsa në detyrë janë 214. Janë gati 107 vakanca që i ndajmë në vakanca të përhershme dhe vakanca të përkohshme, që janë persona të pezulluar dhe presin gjykimin në KPA. Është një numër jo i vogël që e kanë vënë në vështirësi sistemin. Nga Vettingu janë konfirmuar 100 prokurorë dhe deri më tani janë shkarkuar 50 prokurorë. Nuk e kishim menduar se do iknin një numër kaq i madh i prokurorësh”- tha ai.
LEXONI GJITHASHTU:
- Mungesa e prokurorëve në SPAK, kreu i KLP: Presim të kalojnë vetingun
- Dëshmia e parë kundër UÇK-së, kritika për tjetrësimin e videos në gjyqin në Hagë
