Alfred Balla, kreu i Këshillit të lartë të Prokurorisë tha për Euronews Albania se për momentin në SPAK janë 17 prokurorë të emëruar nga ata, si dhe një prokurorë i Prokurorisë së Përgjithshme i cili është emëruar përkohësisht në SPAK.

Sipas kreut të KLP, në Prokurorinë e Posaçme janë tre vende vakante, por duke qenë se stafi është i mjaftueshëm ata kanë vendosur të mos nxitohen për të zgjehdur njerëzit që do të mbajnë këtë detyrë të rëndësihsme. Gjithashtu ai tha se kanë pritur që disa prokurorë të kalojnë vetingun

“Në fakt aktualisht kemi 18 prokurorë në strukturat e Prokurorisë së Posaçme, është një prokuror i cili është caktuar përkohësisht me kërkesë të drejtuesit të prokurorisë së Posaçme dhe 17 janë prokurorët e emëruar nga ana jonë. janë edhe tre vakanca të cilat ne si këshillë kemi menduar të mos nxitohemi për të pasur  kandidatura të denja, me vjetërsinë e duhur, me reputacionin e duhur, me integritetin moral që i takon kësaj strukture.

Kemi parë interesat e sistemit në tërësi dhe kemi marrë të mirëqenë  faktin që 17 prokurorë, tashmë 18 dhe 60 hetues të Byrosë Kombëtare të Hetimit, nuk është një numër i vogël. Gjithsesi me emërimet e reja që ne do bëjmë në korrik, mund të ridiskutohet hapja e garave për tre vendet vakante. Ne kemi pritur edhe që një pjesë e prokurorëve të kalojnë vetingun, pasi është një nga kushtet për t’u emëruar në Prokurorinë e Posaçme dhe kjo na ka bërë të mos nxitohemi”,-tha kreu i KLP.

LEXONI GJITHASHTU:

• “Serbia, ndihmoi me armë Ukrainën”- Beogradi reagon për dokumentet sekrete amerikane
• U kap me 8 pistoleta në furgon, lihet në burg Kaloshi, çfarë deklaroi në Gjykatë
• Krijimi i aleatëve strategjikë, Andoni: Ministrat e Jashtëm kanë bërë punë minimale