Banorët e fshatit Pajovë në Peqin organizuan sot një protestë sensibilizuese pas vdekjes tragjike në aksident të 8-vjeçarit Enio Tabaku disa ditë më parë.

Në një lidhje direkte për emisionin “People” në Euronews Albania kishim një intervistë me motrën e vogëlushit 8-vjeçar e cila u shpreh se atij ju mor padrejtësisht jeta.

“Jeta vëllait tim u mor padrejtësisht se ai ishte anash rrugës ndërkohë një makinë me 15 km në orë erdhi dhe e goditi, kjo nuk është e drejtë. Unë dua që makinat ta ulin shpejtësinë pasi ecin shumë shpejt. Për mua Enio ishte jo vetëm vëlla, por shumë më shumë. E kam dashur shumë Enion, me gjithë shpirt dhe unë dhe motra tjetër.

Apeli i saj ishte që në rrugë të vendosen bordura dhe të ndalohet urgjentisht lëvizja e makina me shpejtësi.

“Sot ndërroi jetë vëllai im, por nesër pasnesër mund të ndërroj jetë dikush tjetër, kam frikë për të gjithë fëmijët”,-tha ajo.

Gjithashtu ajo ishte me një pankartë në dorë ku mesazhi ishte që ti mbroni ata të cilët nuk mundën të mbrojnë veten.

LEXONI GJITHASHTU:

• “Ma vranë djalin te dera e shtëpisë”, babai i 8-vjeçarit rrëfen ngjarjen tragjike…
• “Drejtësi për 8-vjeçarin”, banorët protestojnë në vendin ku humbi jetën Enio Tabaku