Makina përplas policin në zonën e Freskut, shoferi largohet nga vendi i ngjarjes

Një punonjës policie jashtë shërbimit ka mbetur i lënduar pas një aksidenti të ndodhur në zonën e Freskut në Tiranë.

Ngjarja ka ndodhur rreth orës 17:40, kur një automjet me drejtues ende të paidentifikuar ka përplasur shtetasin A.L., punonjës i policisë.

Policia ka njoftuar se punonjësi i Policisë është dërguar në spital dhe ndodhet nën kujdesin e mjekëve, ndërkohë që sipas burimeve, ai është jashtë rrezikut për jetën.

“Rreth orës 17:40, në Fresk, një automjet me drejtues ende të paidentifikuar ka përplasur shtetasin A. L(punonjës policie jashtë shërbimit). Është bërë identifikimi i automjetit dhe po punohet për gjetjen e tij dhe të drejtuesit”, thuhet në njoftimin e Policisë së Tiranës.

LEXONI GJITHASHTU:

• Një grua dhe një e mitur përfundojnë në spital, dyshohet për mbidozë medikamentesh
• Tiranë, 61-vjeçari bie nga skela, policia hetime për shkelje të sigurisë në punë